مريم بن حسين: ”كان فمة معدّين ومخرجين مسؤولين”
علّقت الممثلة التونسية مريم بن حسين، اليوم الجمعة 24 مارس 2023، على الأعمال التلفزية المعروضة بمناسبة شهر رمضان.
وبطريقة ضمنية، أكّدت مريم بن حسين، ان الاعمال التلفزية القديمة كانت هادفة من خلال طريقة الطرح.
وقالت في تدوينة على حسابها الرسمي “فيسبوك” : “اللي يقولوا التلفزة ما تأثرش
يبهتوا!!
كان يخمموا شوية على اللي تفرجوا عليه في حياتهم توه يلقاو عقولهم الباطنية قداه تأثرت بكل ما شافوه..
التلفزة أثرت فيا شخصيا .. وفي اللي كيفي:
أثرت فينا من إفتح يا سمسم
ومن كابتن ماجد
ومن التلفزة الإيطاليةRai
ومنFrance 2 
A2A2 passionnément..
التلفزة أثرت فينا
بفوازير شريهان
وبليالي الحلمية
ورأفت الهجان
وبالخطاب ع الباب
وبسهريات نجيب الخطاب
وبرامج هالة الركبي..
وحتى بالمسلسلات المكسيكية
هذا اللي جاء على بالي توه-
فما حاجات أخرى بالطبيعة والقائمة تطول..
التلفزة حلتلنا عينينا
وساهمت في صنع خيالنا
وساهمت في جمالية أحلامنا..
كانت مواعيد إنتظرناها في طفولتنا..
وكان فمة معدين وكتاب ومخرجين كانوا “مسؤولين”
يعرفوا أن الأعمال التلفزية تشحن الإحساس والعاطفة والضمير والقيم..
وأن طريقة الطرح مهمة جدا جدا
وأن كل ذلك هو الأساس لأنه يصنع المجتمع…”
في نفس السياق
آخر الأخبار
المصدر : تونيسكوب
